छ्याङदीको रकम आजदेखि फिर्ता

काठमाडौं, २१ असार ।छ्याङदी हाइड्रोपावर लिमिटेडको साधारण शेयर (आईपीओ) का निम्ति आवेदन दिने लगानीकर्तालाई आजदेखि नपरेको रकम फिर्ता दिन शुरू भएको छ । कम्पनीले जेठ १४ गतेदेखि १८ गतेसम्म ५ लाख ४० हजार कित्ता साधारण शेयर निष्काशन गरेको थियो । असार १७ गते बाँडफाँड गर्दा नपरेको रकम कम्पनीले फिर्ता दिन शुरू गरेको कम्पनीको शेयर निष्काशन तथा बिक्री प्रबन्धक ग्लोबल आईएमई क्यापिटल लिमिटेडले जनाएको छ ।

कम्पनीको शेयरमा न्यूनतम ५० कित्ता (५ हजार रुपैयाँ) देखि ७१० कित्ता (७१ हजार रुपैयाँ) सम्म शेयर आवेदन दिनेलाई गोलाप्रथाबाट १० कित्ता शेयर पाएका छन् । त्यस्तै सोभन्दा माथि आवेदन दिनेले अनिवार्य १ दशमलव २५ प्रतिशतका दरले शेयर पाएका छन् ।

यसैबीच कम्पनीको शेयरमा आवेदन दिँदा देहायका १७ बैंक तथा वित्तीय संस्थामा खाता भएका लगानीकर्ताको रकम खातामा नै आउने ग्लोबल आईएमई क्यापिटलले जनाएको छ । त्यस्तै अन्य बैंकको खाता प्रयोग गर्ने लगानीकर्ताहरूले आफ्नो रकम फिर्ताको चेक प्राप्त गर्नका लागि आवेदन बुझाएकै स्थानमा जानुपर्नेछ।