मुक्तिनाथ विकास बैंकको सीईओमा मानन्धर नियुक्त

काठमाडौं । मुक्तिनाथ विकास बैंकको प्रमुख कार्यकारी अधिकृत (सीईओ)मा तारा मानन्धर नियुक्त भएका छन्। बैंक सञ्चालक समितिको बिहीबार बसेको बैठकले मानन्धरलाई सीईओमा नियुक्त गर्ने निर्णय गरेको हो।

उनको नियुक्ति आउँदो जेठ १ गतेबाट लागू हुनेछ भने कार्यकाल ४ वर्षको हुनेछ। मानन्धर स्याङ्जाको हरिनास गाउँपालिकाका स्थायी बासिन्दा हुन्। हाल उनी काठमाडौंको टोखामा बसोबास गर्छन्।

हाल मुक्तिनाथ विकास बैंकको सीईओमा प्रद्युमन पोखरेल रहेका छन्। उनको कार्यकाल यही वैशाख मसान्तबाट सकिनेछ।