काठमाडौं, २८ जेठ ।पाँचतारा बचत तथा ऋण सहकारी संस्थाले जेष्ठ २६ गते शुक्रबार आफ्नै भवनमा निर्माण गरेको सुविधा सम्पन्न पाँच तारा सभा कक्षको उद्घाटन एक कार्यक्रमकाबीच गरेको छ । नेफ्स्कुनका अध्यक्ष डिबी बस्नेतले उक्त सभाकक्षको उद्
घाटन गरेको संस्थाले जनाएको छ ।
उद्घाटन सभामा बोल्दै अध्यक्ष बस्नेतले पुरानो सिनामंगल आसपासमा २० वटा जति सहकारी संस्था भएको जानकारी आफूले पाएको र ती सबैलाई समेटेर वृहत् एकि करणको नेतृत्व पाँचतारा साकोसले गरे नेफ्ूस्कुनले पनि सहयोग गर्ने बताए ।
सोहीअवसरमा संस्थाले सञ्चालक समिति, उपसमिति र कर्मचारीहरुको क्षमता अभिवृद्धिका लागि एक दिने गोष्ठी समेत सम्पन्न गरेको छ ।
एक नम्बर क्षेत्रका कर अधिकृत विश्वबन्धु पौडेलले सहकारीमा कर सम्बन्धी विषयमा सहभागिहरुलाई प्रशिक्षण दिएका थिए । उनले आगामी सोमबार पाँचतारा सभा कक्षमा सिनामंगल आसपासका व्यवसायी तथा उद्यमीहरुलाई लक्षित गरी कर सम्बन्धी तालिम सञ्चालन गरिने जानकारी दिँदै सबैलाई उपस्थि तहुन आग्रह गरे । देश निर्माणमा करको महत्वपूर्ण भूमिकाभएका सबैले पारदर्शी हिसाबले कर तिर्न समेत उनको आग्रह थियो ।
कार्यक्रममा नेफ्स्कुनका तालिम अधिकृत नवकुमार अधिकारीले सहकारी सञ्चालक, लेखा समिति र उपसमितिको जिम्मेवारी र सदस्यको भूमिकाको विषयमा प्रशिक्षण दिएका थिए । उनले सहकारीमा संगठनात्मक संरचना, सहकारी व्यवस्थापनका आधारभूत कुराहरु, सुशासन र बचत तथा ऋण सहकारी संस्थाका ४ सिद्धान्त लगायतका विषयमा प्रशिक्षण दिएका थिए ।
संस्थाका अध्यक्ष भोलानाथ पाठकले ५० जनाक्षमता भएको यस सभाकक्षलाई सबै संघ संस्थाहरुले आवश्यकपर्दा न्यूनतम शुल्कमा प्रयोग गर्न सक्ने बताए । व्यवसायिकप्रयोजनको लागि प्रयोग गर्न चाहने सबै संघसंस्थाकालागि समेत हल उपलब्ध गराइने उनले बताए ।
संस्थाले हरेक महिना सबै सदस्यहरुलाई सहकारी शिक्षा दिँदै जाने र संस्थामा नयाँ सदस्य बन्नेहरुलाई संस्था र सहकारी सम्बन्धी आधारभूत जानकारी दिएर मात्र सदस्य बनाउन पनि उनले बताए । निकट भविष्यमा नै संस्थाको प्रवद्र्धनमा मुलुक भरका सहकारीमा आवद्ध महिलातथापुरुष उद्यमीहरुले उत्पादित वस्तुहरुको विक्री कक्ष सञ्चालनमा ल्याउने तयारी आफूहरुले गरेको उनले बताए । संस्थाको आफ्नै भवनबाट सहकारीद्वारा उत्पादित वस्तुको बजारिकरण र उपभोक्तालाई सर्वसुलभ मूल्यमा गुणस्तरीय वस्तु उपलब्ध गराउने लक्ष्य संस्थाको छ ।
Comment