नेप्से २१.६२ अंकले उकालो, कारोबार ४ अर्ब २३ करोड « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थबजार स्टोरी

नेप्से २१.६२ अंकले उकालो, कारोबार ४ अर्ब २३ करोड

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं । आज शेयर बजार बढेर बन्द भएको छ । आज नेप्से परिसूचक २१.६२ अंकले बढेर २६३८.६० को विन्दुमा पुगेर रोकिएको हो। मंगलबार सेन्सेटिभ इण्डेक्स २.३१ अंक बढेको छ भने फ्लोट इण्डेक्स १.४० अंक र सेन्सेटिभ फ्लोट इण्डेक्स ०.९० अंक बढेको छ।

आज २१३ कम्पनीको शेयर मूल्य बढेको छ भने ४२ कम्पनीको शेयर मूल्य घटेको छ।आज ३२८ कम्पनीको ९३ लाख ६४ हजार कित्ता शेयर किनबेच हुँदा ४ अर्ब २३ करोडको शेयर कारोबार भएको छ ।

आज सबैभन्दा धेरै एसवाई प्यानलको शेयर कारोबार भएको छ । आज यस कम्पनीको ३७ करोड ७२ लाख रुपैयाँको शेयर कारोबार भएको छ । आँखुखोला जलविद्युतको २४ करोड ६९ लाख रुपैयाँको शेयर कारोबार भएको छ । राधि विद्युत कम्पनीको १६ करोड १२ लाख रुपैयाँको शेयर कारोबार भएको छ ।

आज सालपा विकास बैंकको शेयर सकारात्मक सर्किट लेभलमा कारोबार भएको छ। त्यस्तै, रिलायन्स स्पीनिङ मिल्सका लगानीकर्ताले ९.३१ प्रतिशत, हिमालयन पावरका लगानीकर्ताले ९.१५ प्रतिशतका दरले कमाएका छन्।

आज सबैभन्दा धेरै नेपाल एसबिआई बैंकका लगानीकर्ताले गुमाएका छन् । आज १३ वटै उपसमूहको परिसूचक बढेको छ। जसमध्ये होटल तथा पर्यटन उपसमूहको परिसूचक सर्वाधिक २.०२ प्रतिशत बढेको छ। त्यस्तै, विकास बैंक, जलविद्युत, उत्पादन तथा प्रशोधन र व्यापार उपसमूहको परिसूचक १ प्रतिशतभन्दा बढी बढेको छ।

प्रकाशित : १२ फाल्गुन २०८२, मंगलबार १५:१९ 24 February, 2026 3:19 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।