डिशहोम ग्राहकका लागि सिद्धार्थ होटल तथा रेस्टुरेन्टमा २९ आउटलेटमा बम्पर छुट

काठमाडाैं । डिशहोमले नेपालको अग्रणी हस्पिटालिटी समूहमध्ये एक सिद्धार्थ हस्पिटालिटीसँग आधिकारिक सम्झौता गर्दै डिशहोमका सबै सक्रिय ग्राहकहरूलाई भर्चुअल प्रिभिलेज कार्ड मार्फत विशेष छुट र सुविधा प्रदान गर्ने भएको छ।

यस साझेदारी अन्तर्गत, डिशहोमका ग्राहकहरूले सिद्धार्थ हस्पिटालिटीका होटल, रिसोर्ट, कटेज, रेस्टुरेन्ट तथा क्याफे आवासमा २० प्रतिशत छुट तथा फुड एण्ड बेभरेजमा १० प्रतिशत छुट पाउनेछन्।

डिशहोम भर्चुअल प्रिभिलेज कार्डमार्फत विशेष छुट सिद्धार्थ हस्पिटालिटी २९ वटा आउटलेटहरूमा उपलब्ध छ ।

छुट पाइने होटल तथा रेष्टुरेन्टहरूमा सिद्धार्थ होटल न्यू आनन्द, महेन्द्रनगर, सिद्धार्थ होटल, टिकापुर, कैलाली, सिद्धार्थ होटल, नेपालगञ्ज, सिद्धार्थ कटेज एण्ड होटल, बुटवल, सिद्धार्थ होटल वाटर टावर, नुवाकोट, सिद्धार्थ होटल ग्राण्ड सिटी, बिर्तामोड, सिद्धार्थ बुटिक होटल, बौद्ध, काठमाडौं, सिद्धार्थ सनी रिसोर्ट, सुर्खेत, सिद्धार्थ रिसोर्ट, चिसापानी, कैलाली, सिद्धार्थ होटल, नारायणगढ, सिद्धार्थ विलासा, भैरहवा रहेका छन् ।

यस्तै सिद्धार्थ वाइल्डलाइफ रिट्रिट, मेघौली, चितवन, सिद्धार्थ होटल, दमौली, सिद्धार्थ रिभरसाइड रिसोर्ट, चुम्लिङटार, चितवन, सिद्धार्थ कटेज रेस्टुरेन्ट, नेपालगञ्ज, सिद्धार्थ कटेज रेस्टुरेन्ट, धोबीघाट, सिद्धार्थ कटेज रेस्टुरेन्ट, पुरानो बानेश्वर, सिद्धार्थ कटेज रेस्टुरेन्ट, टिंकुने, सिद्धार्थ विलासा बनवास, सौराहा, चितवन, सिद्धार्थ कटेज योगिकुटी, बुटवल, सिद्धार्थ कटेज, धनगढी, होटल सिद्धार्थ, सुन्धारामा पनि विशेष छुट उपलब्ध हुनेछ ।

“सिद्धार्थ हस्पिटालिटी नेपालको प्रतिष्ठित हस्पिटालिटी ब्रान्ड हो, र यस साझेदारीमार्फत हामीले हाम्रो ग्राहकलाई उत्कृष्ट आतिथ्य अनुभवसँगै विशेष सुविधा प्रदान गर्न पाउनेछौं,” डिशहोमका सीईओ तारा मानन्धरले भने।

डिशहोम भर्चुअल प्रिभिलेज कार्ड केवल सक्रिय डिशहोम ग्राहकहरूका लागि माइ डिशहोम एप मा उपलब्ध छ। ग्राहकहरूले एपमार्फत कार्ड हेरी सबै सहभागी आउटलेटहरूको सूची हेर्न सक्ने र सिद्धार्थ हस्पिटालिटीका आउटलेटहरूमा कार्ड देखाएर छुट लिन सक्नेछन्।