हिमालयन बैंकको २ लाख ५ हजार कित्ता शेयर बिक्रीमा

काठमाडौं । हिमालयन बैंकको २ लाख बढी शेयर बिक्रीमा राखिएको छ। बैंकको संस्थापक समूहको २ लाख ५ हजार २४५ कित्ता शेयर बिक्रीमा राखिएको हो। यो शेयरमा हाललाई बैंकका संस्थापक शेयरधनीले मात्रै खरिद निवेदन दिन सक्नेछन्।

शेयर खरिदका लागि ३५ दिनभित्र निवेदन दिनुपर्नेछ। निवेदन काठमाडौंको कमलादीस्थित बैंकको कानुन विभागमा पेस गर्न सकिनेछ। तोकिएको अवधिभित्र शेयर खरिदका लागि निवेदन नपरेको खण्डमा अन्य व्यक्ति तथा संस्थालाई बिक्री खुला गरिने बैंकले जनाएको छ।