दोर्दी खोला जलविद्युतको हकप्रद सेयरमा आवेदन खुल्ला

काठमाडौं । दोर्दी खोला जलविद्युत लिमिटेडको हकप्रद सेयर आजदेखि आवेदन दिन सकिने छ। कम्पनीले हाल कायम चुक्ता पूँजीको शतप्रतिशत हकप्रद सेयर निष्काशन गर्न लागेको हो।

कम्पनीले एक अर्ब पाँच करोड ४२ लाख ६० हजार ४०० रुपैयाँबराबरको प्रतिसेयर १०० रुपैयाँ अंकित मूल्यका एक करोड पाँच लाख ४२ हजार ६०४ कित्ता हकप्रद सेयर निष्काशन गर्नेछ।

हकप्रद निष्काशन प्रयोजनार्थ कम्पनीले फागुन १५ गते बुकक्लोज गरेको थियो। यस अनुसार फागुन १३ गतेसम्म नेप्सेमा कारोबार भइ कायम सेयरधनीहरुले सो हकप्रद सेयरका लागि आवेदन दिन सक्नेछन्। कम्पनीको हकप्रद सेयरमा २०८२, बैशाख ८ गतेसम्म आवेदन दिन सकिनेछ।

कम्पनीको सेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ।

लगानीकर्ताले सानिमा बैंकका शाखा कार्यालयहरु विराटनगर, वीरगञ्ज, पोखरा, बुटवल, विराटनगर, विरेन्द्रनगर, धनगढी, लमजुङ, सानिमा क्यापिटलको कार्यालय र नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालयबाट आवेदन दिन सक्नेछन्। यस्तै सीडीएससीको मेरो सेयरबाट पनि अनलाइन आवेदन सकिनेछ।