नेप्सेमा सात कम्पनीको बोनस सेयरमूल्य समायोजन, कहिले हुन्छ कारोबार ?

काठमाडौं । नेपाल स्टक एक्सचेञ्जमा सात कम्पनीको सेयरमूल्य समायोजन भएको छ। नेप्सेमा कृषि विकास बैंक, मितेरी डेभलपमेन्ट बैंक, महालक्ष्मी विकास बैंक, छिमेक लघुवित्त, आत्मनिर्भर लघुवित्त, जीवन विकास लघुवित्त र चिलिमे हाइड्रोपावरको सेयरमूल्य समायोजन भएको हो।

साधारण सभा तथा लाभांश वितरण प्रयोजनका लागि यी कम्पनीहरुको बुकक्लोज गरेसँगै नेप्सेले सेयरमूल्य समायोजन गरी नयाँ मूल्य निर्धारण गरेको हो।

नेप्सेले कृषि विकास बैंकको ३ प्रतिशत, मितेरी डेभलपमेन्ट बैंकको ९.५०७९ प्रतिशत र महालक्ष्मी विकास बैंकको ३ प्रतिशत बोनस सेयर समायोजन गरेको हो। त्यस्तै, छिमेक लघुवित्तको ८ प्रतिशत, आत्मनिर्भर लघुवित्तको १४.२५ प्रतिशत, जीवन विकास लघुवित्तको १४ प्रतिशत र चिलिमेको १० प्रतिशत बोनस सेयर समायोजन भएको हो।

समायोजनपश्चात कृषि विकास बैंकको सेयरमूल्य ३२४ रुपैयाँ १७ पैसा, मितेरीको ६३५ रुपैयाँ ३९ पैसा, महालक्ष्मीको ३७७ रुपैयाँ ६७ पैसा, छिमेकको ८६१ रुपैयाँ २० पैसा, आत्मनिर्भरको ५ हजार ७१५ रुपैयाँ ५४ पैसा, जीवन विकासको १ हजार ३७८ रुपैयाँ ७ पैसा र चिलिमेको ५१८ रुपैयाँ १८ पैसा कायम भएको छ।

समायोजित मूल्यलाई आधार मानेर भोली दास्रो बजारमा यी कम्पनीहरुको सेयर कारोबार खुल्नेछ।