लामो साँघु बचत तथा ऋण सहकारी संस्थाको १५ औं बार्षिक साधारण सभा सम्पन्न

सिन्धुपाल्चोक। सिन्धुपाल्चोकमा रहेको लामो साँघु बचत तथा ऋण सहकारी संस्थाको १५ औं बार्षिक साधारण सभा सम्पन्न भएको छ । संस्थाले एकाईगत रुपमा सभा सम्पन्न गरेको हो । संसथाको बार्षिक सभा एकाई १ टेकानपुर सेवाकेन्द्र कार्यालय टेकानपुरमा आवद्ध सदस्यहरु माझ असोज ३ गते सम्पन्न भएको थियो ।

सभामा प्रमुख अतिथि भक्तध्वज बोहोरालगायत कालिका माविका प्राचार्य ऋषिराम पौडेल, बागमति प्रदेश सहकारी संघका संचालक कृष्ण सुवेदीले शुभकामना मन्तब्य राखेका थिए । त्यसैगरी एकाई २ को सभा संस्थाको मुख्य कार्यालय लामोसाँघुमा आवद्ध बलेफि, सुनकोशी, लिशंखुपाखर गाउँपालिका र बाह्रबिसे नगरपालिका भित्रका सदस्यहरुको उपस्थितिमा असोज ३ गते नै सम्पन्न भएको थियो ।

कार्यक्रममा सुनकोशी गाउँपालिकाका अध्यक्ष टपिन्द्रप्रसाद तिमल्सिनाको प्रमुख आतिथ्यतामा सम्पन्न भएको थियो । सभामा बलेफि गापा ८ का निवर्तमान अध्यक्ष चरिबहादुर तामाङ, श्री सेतीदेवी शारदा माविका प्राचार्य बासुदेव जिसी, सुनकोशी क्याम्पसका प्रमुख कृष्णप्रसाद आचार्य, सुनकोशी गाउँपालिका वडा नं ७ का वडाध्यक्ष ईश्वर तिमल्सिनाले शुभकामना मन्तब्य राखेका थिए । अतिथिहरुले संस्था समुदायमा बसोवास गर्ने बिपन्न बर्गका ब्यक्तिहरुकोे उद्गम स्थलको रुपमा रहेको बताए ।

एकाईगत रुपमा सञ्चालन भएको उक्त सभाहरुमा अध्यक्षता संस्थाका उपाध्यक्ष सरला सुवेदीले र एकाई २ को अध्यक्षता, संस्थाका अध्यक्ष पुर्णचन्द्र ढकालले गरेका थिए । सभामा संस्थाको प्रतिवेदन, बित्तिय प्रतिवेदन संगै बार्षिक कार्ययोजना तथा बजेट, लेखा सुपरिवेक्षण समितिको प्रतिवेदन, अध्यक्षको प्रतिवेदन र प्रस्तावहरु माथि छलफल गरि पारित गरिएको छ ।

संस्थाको १५ औं बार्षिक साधारण सभाको निर्णय प्रमाणिकरण सभा असोज ४ गते सम्पन्न भएको थियो । २०६५ सालमा स्थापित संस्थाले २०८१ अषाढ मसान्त सम्ममा १७ करोड ८ लाख बराबरको कुल सम्पति तथा दायित्व वासलात, ३ हजार ६१५ जना सदस्यहरु आबद्ध गराएको जनाइएको छ ।

संस्थाले ३६५ दिने सेवा अन्तरगत सार्वजनिक बिदाको दिनमा २ घण्टा सेवा दिंदै आएको जनाइएको छ । संस्थामा ७ जना कर्मचारीहरु कार्यरत रहेका छन । संस्थालाई नीति, बिधि र प्रविधिमा सञ्चालन गर्न आवश्यक योजनाहरु निर्माण गरि कार्यन्वयन गर्दै आगामी बर्ष ४ हजार २०० जना सदस्यहरु सहितको २० करोडको संस्था बनाउने प्रतिबद्धता सभाले गरेको छ ।

सभामा एकाई अनुसार टेकानपुर सेवाकेन्द्रमा कार्यरत कर्मचारी शान्ती थापा र संस्थाका संचालक समितिका सदस्य कृष्णबहादुर पराजुलीले स्वागत गरेका थिए भने ब्यबस्थापक रबिन बिक र विभागिय प्रमुख साजन लामा तामाङले कार्यक्रम संचालन गरेका थिए ।