सिटिजन्स बैंकका डेपुटी सीईओ काफ्लेको निधन

काठमाडौं । सिटिजन्स बैंकका नायब प्रमुख कार्यकारी अधिकृत (डेपुटी सीईओ) पारश काफ्लेको निधन भएको छ ।

हृदयघातका कारण ५० वर्षिय काफ्लेको निधन भएको हो ।

बैंकिंगसम्बन्धी कार्यक्रममा सहभागी हुन श्रीलंका पुगेका काफ्लेको जेठ २० गते हृदयघात भएको थियो । सोपश्चात् उनलाई नावालोका अस्पताल पुर्याइएको थियो । अस्पतालले उनलाई मृत घोषणा गरेको हो ।

तीन दशक लामो बैंकिंग करियर भएका काफ्ले ट्रेड फाइनान्स, क्रेडिट अपरेसन, ब्रान्च म्यानेजमेन्ट, रिलेसनसिप म्यानेजमेन्ट, अपरेसनल रिस्क म्यानेजमेन्ट एन्ड कम्प्लाइन्समा दख्खल मानिन्थे ।