काठमाडौं महानगर र सडक विभागबीच जुहारी

काठमाडाैं। काठमाडौं महानगरपालिकाले न्यूरोडमा फुटपाथ विस्तारका लागि खनेको सडक, सडक विभागले पिच गरेको छ । महानगरले काटेको सडक सोमबार सडक डिभिजन कार्यालयले धमाधम पिच गरिरहेको छ । सो क्रममा सडक विभाग र महानगर प्रहरीबीच केहीबेर विवाद भएको थियो । सडक विभागले पिच गर्नथालेपछि काठमाडौं महानगरको प्रहरीले अवरोध गर्दा विवाद भएको थियो ।

यसअघि काठमाडौं महानगरले न्यूरोडको फुटपाथ क्षेत्र बढाउन भन्दै सडकको पिच खनेको थियो । तर डिभिजन सडक कार्यालयले त्यसो नगर्न र पिच जस्ताको तस्तै गर्न महानगरलाई आग्रह गरेको थियो । तर, महानगरले कुनै वास्ता नगरेपछि सडक विभाग आफैंले पिच गर्न थालेको हो ।