मन्त्रिपरिषद्को बैठक दिउँसो ४ बजे बस्दै

काठमाडौं । नयाँ आईजीपी नियुत्त गर्न मन्त्रिपरिषद्को बैठक आज अपराह्न ४ बजे बस्दै छ । आज बस्ने मन्त्रिपरिषद् बैठकले नेपाल प्रहरीको नयाँ महानिरीक्षक नियुक्त गर्ने छ । प्रहरी महानिरीक्षक धिरज प्रताप सिंहको कार्यकाल सकिएपछि नयाँ आईजीपी नियुक्त गर्न मन्त्रिपरिषद् बैठक बस्न लागेको हो ।

६ चैतमा ५ जना अतिरिक्त महानिरीक्षक (एआईजी) मा बढुवा भएका बसन्तकुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्य महानिरीक्षक पदको दाबेदार छन् ।