साहारा नेपाल साकोस २७ औं वर्षमा प्रवेश

झापा । साहारा नेपाल बचत तथा ऋण सहकारी संस्था २७ औं वर्षमा प्रवेश गरेको छ । बार्षिक अवसरमा कार्यवाहक अध्यक्ष हरिप्रसाद निरौला र प्रमुख कार्यकारी अधिकृत महेन्द्रकुमार गिरीेले संस्थाका सेयर सदस्य, कर्मचारी तथा सरोकारवाला सबै निकायलाई शुभकामना दिएका छन् ।

संस्थाले गरिबी न्यूनिकरण, रोजगारी सिर्जना, स्वास्थ्य क्षेत्रमा, बिमा क्षेत्रमा, सामाजिक क्षेत्र एवम् कृषि तथा पशुपालन क्षेत्रमा रचनात्मक काम गरेको छ । संस्थाको सदस्य १ लाख ६० हजार पुगेको जनाइएको छ । सेयर पुँजी १ अर्ब ९५ करोड पुगेको छ । त्यसैगरी संस्थाको कुल वासलात १५ अर्ब पुगेको छ । संस्थाले ९ अर्ब ५६ करोड बचत संकलन गरी १३ अर्ब १६ करोड ऋण प्रवाह गरेको जनाएको छ ।