अपि पावर कम्पनीको हकप्रद शेयरमा आवेदन दिने आज अन्तिम दिन

काठमाडौं । अपि पावर कम्पनी लिमिटेडले जेठ २० गतेदेखि निष्कासन गरेको २९ दशमलव ३८ प्रतिशत हकप्रद शेयर खरिदका लागि आवेदन दिने असार १३ गते (आज) अन्तिम दिन रहेको छ । यस अघि असार ९ गतेसम्मका लागि विक्री खुलाको मिति तय गरेको कम्पनीले अवधि थप गरी असार १३ गतेसम्मको मिति तय गरेको थियो ।

अपि पावरले प्रतिकित्ता रू. १०० अंकित दरको ५६ लाख ७० हजार कित्ता हकप्रद शेयर विक्री खुला गरेकोे हो । कम्पनीले हकप्रद शेयर प्रयोजनका लागि बैशाख २९ गते एक दिन बुक क्लोज गरेकाले बैशाख २८ गतेसम्म कायम शेयरधनीहरु मात्र यो हकप्रद शेयरमा आवेदन दिन सक्नेछन् । यो हकप्रद शेयर विक्री प्रबन्धकमा मुक्तिनाथ क्यापिटल रहेको छ ।