काठमाडाैँ । नेपाल लाइफ इन्स्योरेन्स कम्पनी लिमिटेडले ५० करोड ६६ लाख ६८ हजार खुद नाफा गरेको छ ।
गत वर्षको यसै अवधिको तुलनामा यस वर्ष कम्पनीको खुद नाफा ८ दशमलव ३६ प्रतिशत बढी भएको हो । गत वर्ष कम्पनीले ४६ करोड ७५ लाख ७६ हजार यो नाफा गरेको थियो ।
गत वर्षभन्दा साढे ६ प्रतिशत कम ७४ करोड ६६ लाख २६ हजार कुल आम्दानी गरेको कम्पनीको खर्च पनि गत वर्षभन्दा साढे २७ प्रतिशत कम २३ करोड ९९ लाख ५८ हजार भएको छ ।
३१ प्रतिशत बोनस शेयर मार्फत चुक्तापूँजी वृद्धि गरी ७ अर्ब १९ करोड ९९ लाख ७० हजार पुर्याएको कम्पनीले शेयर खण्डीकरणको योजना बनाएको छ । कम्पनीले प्रतिशेयर रु. ५० कायम गरी शेयर खण्डीकरण गर्ने प्रस्ताव साधारण सभाबाट पारित गरेको छ ।
यस वर्ष गत वर्षभन्दा जगेडा कोष रकम भने ५८ दशमलव ८८ प्रतिशत घटेको छ । गत वर्ष २ अर्ब ७३ करोड २१ लाख ७३ हजार रहेको जगेडा कोष रकम यस वर्ष १ अर्ब १२ करोड ३४ लाख ३६ हजार पुगेको छ ।
जीवन बीमा कोष रकम पनि गत वर्षभन्दा ३२ प्रतिशत बढी १ खर्ब ७ अर्ब ६१ करोड ७७ लाख २४ हजार कायम भएको छ ।
गत वर्षभन्दा ३५ दशमलव ८७ प्रतिशत बढी २५ अर्ब ३७ करोड ४८ लाख ३४ हजार कुल बीमा शुल्क आर्जन गरेको कम्पनीले गत वर्षभन्दा ५० प्रतिशत बढी ७ अर्ब १४ करोड ७१ लाख ७३ हजार कुल दाबी भुक्तानी गरेको छ ।
कम्पनीको प्रतिशेयर आम्दानी यस अवधिसम्म ९ दशमलव ३८ र प्रतिशेयर नेटवर्थ १२३ दशमलव ९२ रहेको छ ।
Comment