सार्वजनिक यातायात सञ्चालनको प्रकृया रोकियो, यस्तो छ कारण

सरकारले आजदेखि देशभर सार्वजनिक यातायात सञ्चालन गर्ने भने पनि रुपन्देहीमा भने नचल्ने भएका छन् ।

रुपन्देहीमा जारी लकडाउन असोज ४ गतेसम्म रहेकाले आजैबाट सवारी नचल्ने रुपन्देहीका प्रमुख जिल्ला अधिकारी पिताम्बर घिमिरेले जानकारी दिए ।

यातायात व्यवस्था विभागले सार्वजनिक सवारी चलाउन आवश्यक मापदण्ड र कार्यविधि बनाउँदै गरेको र त्यसको आधारमा मात्रै जिल्लामा सार्वजनिक सवारी चल्ने उनले बताए ।

यता पश्चिम नेपाल बस व्यवसायी प्रालिका अध्यक्ष दधि खरेलले पनि रुपन्देहीको लकडाउन जारी रहेकोले प्रमुख जिल्ला अधिकारीसँग छलफल गरिने बताए ।