उपत्यकाका २९८ जनामा कोरोना पुष्टि

काठमाडौँ । उपत्यकाका २९८ जनामा कोरोना पुष्टि भएको छ । पछिल्लो २४ घण्टामा उपत्यकाका विभिन्न अस्पतालमा गरीएको स्वाब परीक्षणमा काठमाडौँका १९० जना, ललितपुरका ६७ र भक्तपुरका ४१ जनामा कोरोना देखिएको स्वास्थ्य तथा जनसंख्या मन्त्रालयले जानकारी दिएको छ ।

पछिल्लो समय उपत्यकामा कोरोना सक्रमित बढ्दै गएका छन् । स्वास्थ्य तथा जनसंख्या मन्त्रालयका अनुसार आज देशभर थप ८९९ जनामा कोरोना भाइरसको संक्रमण पुष्टि भएको छ ।

आज थप ८९९ जनामा कोरोना भाइरसको संक्रमण पुष्टि भएसँगै नेपालमा संक्रमितको संख्या ३९ हजार ४ सय ६० पुगेको छ । जस मध्ये २१ हजार ४ सय १० जना डिस्चार्ज भईसकेका छन् ।