नेपाल एग्रो लघुवित्तको आइपीओ मंगलबार बाँडफाँड हुने

नेपाल एग्रो लघुवित्त वित्तीय संस्थाको आइपीओ मंगलबार (वैशाख १७ गते) अर्थात भोली  बाँडफाँड हुने भएको छ । बिक्री प्रबन्धक नेपाल एसबीआई मर्चेन्ट बैंकिङको आफ्नै कार्यालय हात्तिसार, काठमाडौंमा बिहान ९ बजे आइपीओ बाँडफाँट हुने तय भएको छ । नेपाल एग्रोले वैशाख ८ देखि ११ गतेसम्म १ लाख ६१ हजार ७७८ कित्ता सेयर निष्कासन गरेको हो ।

कम्पनीले १०० रुपैयाँ अंकित दरका १ लाख ६१ हजार ७७८ कित्ता आइपीओ निश्कासन गरेको हो । कुल कित्तामध्ये २ हजार ४८९ कम्पनीका कर्मचारीका लागि, ८ हजार ८९ कित्ता म्युचुअल फण्डहरुका लागि र बाँकी रहेको १ लाख ५१ हजार २०० रुपैयाँ मात्रै सर्वसाधारणका लागि सुरक्षित गरिएको छ ।

 वि.सं. २०७३ सालबाट संचालनमा आएको यो लघुवित्त वित्तीय संस्थाको मुख्य कार्यालय कास्कीको पोखरामा छ ।

हाल यो कम्पनीको कार्यक्षेत्र कास्कीसहित पर्वत, बाग्लुङ, पाल्पा, सल्यान, गुल्मी, तनहुँ, लमजुङ, प्यूठान र रोल्पा रहेको छ ।