अख्तियार र नेपाल बैंकको मिलेमतोमा करोडौं रुपैयाँको जग्गा अर्कै व्यक्तिको नाममा नामसारी

काठमाडौं । अख्तियार दुरुपयोग अनुसन्धान आयोग र नेपाल बैंक लिमिटेडको मिलेमतोमा करोडौं रुपैयाँको जग्गा अर्कै व्यक्तिको नाममा नामसारी गरिएको पाइएको छ ।

सर्वाेच्च अदालतमा मुद्दा विचाराधीन अवस्थामा रहेका बेला मिलेमतोमा जग्गा नामसारी भएको पाइएको हो । आयोगले काठमाडौं धुम्बाराही–४ का मोहन सहनीले नेपाल बैंकमा कमसल जग्गा धितो राखी ऋण लिएको भनी १९ करोड रुपैयाँ बिगो माग गर्दै २०५८ सालमा विशेष अदालतमा मुद्दा दर्ता गरेको थियो । विशेष अदालतले १३ कात्तिक २०६२ मा १० करोड २३ लाख जरिवाना र बिगो २ करोड २३ लाख असुल गर्ने फैसला गरेको थियो ।

बिगो र जरिवाना तिर्न नसक्दा सहनी तीन वर्षका लागि जेल चलान भएका र मुद्दा विचाराधीन रहेकै अवस्थामा उनको जग्गा मिलेमतोमा नामसारी भएको खुलेको छ । समाचार आजको राजधानी दैनिकमा प्रकाशित छ ।