ग्लोवल हेल्थ वाच बुक लन्च

काठमाडौं ।जनताको स्वास्थ्य अभियानले प्रकाशन गरेको स्वास्थ्य सम्वन्धि विश्व परिदृष्य (ग्लोबल हेल्थ वाच) पुस्तक नेपालमा पनि विमोचन भएको छ ।
बंगलादेशको ढाकामा हुन गइरहेको जनताको स्वास्थ्य भेलाको तयारी स्वरुप विहिवार भएको राष्ट्रिय भेलामा सो पुस्तकको विमोचन गरिएको हो ।
जनताको स्वास्थ्य अभियन्ता डा. शरद राज वन्तको नेतृत्वमा सो पुस्तक लोकार्पण गरिएको हो ।
विभिन्न देशका राज्यले दिने स्वास्थ्य प्रतिवेदनको वैकल्पिक रुपमा सो प्रतिवेदन जनस्तरबाट अध्ययन गरी प्रकाशन गरिएको डा.वन्तले बताए । विश्वका विभिन्न देशमा विमोचन गरिएको सो पुस्तक जनताको नजरबाट लेखिएको छ ।
विमोचन कार्यक्रममा विश्व स्वास्थ्य आन्दोलन वाहिरी झिलिमिलीले विचलन हुन सक्ने तर्फ इँगित गर्दै अहिले सामाजिक खाडल वढेकोले आन्दोलनलाइ अझ चलायमान गर्नुपर्ने आवश्यकता रहेको प्रा.डा.मथुराप्रसाद श्रेष्ठको सन्देश सुनाइएको थियो । पुस्तक विमोचन नेपालको पहिलो जनस्वास्थ्य अभियन्ता प्राडा श्रेष्ठले गर्ने भनिएता पनि उनको स्वास्थ्य अवस्थाका कारण अनुपस्थित भए पछि डा.वन्त लगायतले विमोचन गरेका थिए ।
कार्यक्रममा मानव अधिकारवादी गौरी प्रधानले यो पुस्तकले नीतिगत, संस्थागत र कार्ययोजना वाच गरेको बताए ।
डा.सर्वराज खड्काले जनताको स्वास्थ्यको जिम्मा राज्यले नलिएको र बजारको भरमा छोडेको बताए ।