चेम्बर भन्छ –“कालो बजार ऐनको नाममा व्यापारीहरुलाई थुनामा राखेर कारबाही गर्नु जायज छैन”

काठमाडौ । नेपाल चेम्बर अफ कमर्सले कालो बजार ऐनको नाममा व्यापारीहरुलाई थुनामा राखेर कारबाही गर्नु कुनै पनि सन्दर्भमा न्यायोचित नभएको बताएको छ ।

प्राइम बैकका सञ्चालक राजेन्द्रदास श्रेष्ठ फरार !

बजार अनुगमनको नाममा देशभरका व्यापारीलाई सरकारले निरन्तर तनाव दिंदै आएको छ र यसले मुलुकभरका सम्पूर्ण व्यापारीहरु त्रसित हुँंदै आएको बताएको छ । राजश्व अनुसन्धान विभाग, उपभोक्ता हित संरक्षण विभाग, जिल्ला प्रशाशन कार्यालयहरुलगायत नेपाल सरकारका विभिन्न निकायहरुबाट पटकपटक बजार अनुगमनका नाममा व्यापारीहरुलाई डर त्रास देखाउने काम हुँंदै आरोप लगाएको छ ।

राजधानीका पसल अनुगमन- देखाउने दात मात्रै, ठग सञ्चालक

बचाउन कहिले सम्म कर्मचारी थुुन्ने ?

बुधबार एक विज्ञप्ती जारी गर्दै चेम्वरले भनेको छ “ व्यवसायीले कुनै पनि व्यवसाय सुरु गर्नु भन्दा पहिला नै दर्ता गरेर आयकर, मूल्य अभिबृद्धि कर भ्याट, अन्तशुल्कलगायतका कर तिरेर व्यवसाय चलाइरहेका हुन्छन् । यसकारण व्यवसायीको मर्यादा तथा साखलाई हलुका तवरले लिन नहुने हाम्रो धारणा छ । यस्ता घटनाले व्यवसायबाट पलायन हुने अवस्था आउने हुँंदा लगानीमा समेत प्रतिकुल अवस्था सृजना हुन जाने हुन्छ । यसकारण यथाशिघ्र दरवारमार्गको यो मुद्धा टुंगोमा पुग्नु जरुरी छ । ”

व्यापारीलाई थुनामुक्त गरी निष्पक्ष रुपमा कारबाही प्रक्रिया अगाडि वढाउन समेत माग गरेको छ । स्वस्थ प्रतिस्पर्धी र उपभोक्तामैत्री बजार सृजना गर्न सरकार र निजी क्षेत्रको संयुक्त कार्यदलबाट बजार अनुगमनको प्रणाली तयार गरी अघि वढ्न सकेमा उद्योगी व्यवसायी, उपभोक्ता, सरकार र आपूर्तिकर्ता सवै लाभान्वित हुन सक्ने चेम्बरका महासचिव कमलेश कुमार अग्रवालको हस्ताक्ष्र रहेको विज्ञप्तीमा सुझाव समेत दिएका छन । स्थानीय प्रशाशनबाट हालैमात्रै राजधानीको दरवारमार्गका ११ जना व्यापारीलाई पक्राउ गरी थुनामा राखेको पनि दाबी गरेको छ ।