काठमाडौँ । फागुन ६ र ७ गते देशभर सार्वजनिक बिदा रहने भएको छ। फागुन ६ गते ग्याल्पो ल्होसार तथा फागुन ७ गते प्रजातन्त्र दिवसका अवसरमा सरकारले बिदा दिएको हो।
ग्याल्पो ल्होसार बौद्ध धर्मावलम्बीहरूको प्रमुख पर्व हो । जसलाई विशेषगरी शेर्पा समुदायले मनाउने गर्छन्। सांस्कृतिक सद्भावका कारण अन्य समुदायले पनि यो पर्व उत्साहपूर्वक मनाउने गरेका छन्।
त्यस्तै, प्रजातन्त्र दिवस प्रत्येक वर्ष फागुन ७ गते मनाइन्छ। वि.सं.२००७ साल फागुन ७ गते १०४ वर्षे जहानियाँ राणा शासन अन्त्य भई नेपालमा प्रजातन्त्र स्थापना भएको ऐतिहासिक दिनको स्मरणमा यो दिवस राष्ट्रिय रूपमा मनाइन्छ।
बिदाका दिन सरकारी कार्यालय, बैंक तथा वित्तीय संस्था र शेयर बजार बन्द रहनेछन्।
Comment