२०२५ मा बीवाईडीको बिक्री र वित्तीय लक्ष्य उच्च स्तरमा

बेइजिङ। चिनियाँ इलेक्ट्रिक सवारी र ब्याट्री निर्माता बीवाईडी कम्पनी लिमिटेडले आफ्नो रजिस्टर्ड क्यापिटल ३ खर्ब ३९ लाख युआनबाट बढाएर ९ खर्ब ११ अर्ब युआन पुर्‍याएको छ। यसले कम्पनीको लगानी क्षमता र वित्तीय विश्वासनीयता बढाउने विश्वास गरिएको छ।

चीनको कानुन अनुसार रजिस्टर्ड क्यापिटल सेयर होल्डरहरूको लगानी तत्परतालाई देखाउँछ। बीवाईडीले यस वर्ष दोस्रो पटक पूँजी वृद्धि गरेको हो। यसअघि मे महिनामा पूँजी २.९०९ खर्ब युआनबाट ३.०३९ खर्ब युआन पुर्‍याइएको थियो।

कम्पनीको व्यापारिक स्थिति

१९९५ मा वाङ चुआन्फुको नेतृत्वमा स्थापना भएको बीवाईडीले इलेक्ट्रिक कार, ब्याट्री, चार्जर र इलेक्ट्रोनिक उपकरण उत्पादन तथा बिक्री गर्दै आएको छ।

कम्पनीको हालको वित्तीय प्रतिवेदनअनुसार:

पहिलो अर्धवार्षिक नाफा: १५ खर्ब युआन (करिब २ खर्ब १७ अर्ब अमेरिकी डलर)

सञ्चालन आम्दानी: ३७१ खर्ब युआन (करिब ५२ खर्ब अमेरिकी डलर)

अनुसन्धान र विकास खर्च: ४ खर्ब ३३ अर्ब अमेरिकी डलर

अन्तर्राष्ट्रिय बजार आम्दानी: १९ खर्ब अमेरिकी डलर

बिक्री वृद्धि र लक्ष्य

जनवरीदेखि अगस्टसम्म बीवाईडीले २८ लाख ६४ हजार सवारी साधन बिक्री गरेको छ, जुन गत वर्षको सोही अवधिको तुलनामा २३ प्रतिशत बढी हो।

सन् २०२५ को बिक्री लक्ष्य ५५ लाख सवारी साधन राखिएको छ। यो लक्ष्य पुरा गर्न सेप्टेम्बरदेखि डिसेम्बरसम्म प्रतिमहिना ६ लाख ६० हजार सवारी बिक्री गर्नुपर्नेछ।

प्रभाव र सम्भावना

हालसम्म बीवाईडीले पूँजी वृद्धिको औपचारिक घोषणा नगरेको भए पनि यसले कम्पनीको विश्वसनीयता र बजारमा सकारात्मक छवि बढाउने अपेक्षा गरिएको छ। विशेषज्ञहरूका अनुसार, यस कदमले बीवाईडीलाई अन्तर्राष्ट्रिय बजारमा प्रतिस्पर्धात्मक लाभ दिलाउनेछ। एजेन्सीको सहयोगमा