किसान साकोसको विस्तारित मञ्च कार्यक्रम कार्यक्रम सम्पन्न

काठमाडौं । नवलपुर गैंडाकोटमा मुख्य कार्यालय रहेको किसान बचत तथा ऋण सहकारी संस्थाले विस्तारीत मञ्च कार्यक्रम सम्पन्न गरेको छ । संस्थाले कार्तिक ११ र १२ गते संस्थाका २४ वटै सेवाकेन्द्रलाई समेट्नेगरि १८ वटा विस्तारीत मञ्च कार्यक्रम सम्पन्न गरेको हो ।

संस्थाको २९ औं बार्षिक साधरण सभाको पूर्वसन्ध्यामा विस्तारीत मञ्च कार्यक्रम कार्यक्रममा ५ हजार बढी शेयर सदस्यको उपस्थिति रहेको संस्थाका प्रमुख कार्यकारी अधिकृत जिवलाल तिवारीले जानकारी दिए ।

उनले सर्वै सेवाकेन्द्रहरुका सञ्चालक समितिका पदाधिकारी, विभिन्न उपसमितीका सदस्य, सेवाकेन्द्र व्यवस्थापन उपसमिती, समुह संरचना कार्यक्रम उपसमितीका सदस्यहरु, कर्मचारीहरुको सहभागीता रहेको जनाए ।

कार्यक्रममा संस्थाको वर्तमान वित्तीय अवस्था, आव ०८१/०८२ का लागि नीति तथा कार्यक्रमहरु माथि छलफल, सदस्यहरुका प्रतिक्रिया र सुझावहरुलाई संकलन गरिएको प्रमुख कार्यकारी अधिकृत तिवारीले जनाए ।