सहकारीका सदस्यलाई प्रविधि मैत्री बनाउन आवश्यक छः जीवलाल तिवारी,सीईओ, किसान साकोस

प्रथम सहकारी डिजिटल कन्क्लेभमा तपाइहरुले पाउन खोजेका विषयबस्तु कत्तिको भेटाउनुभयो ?

यो ग्रामिण क्षेत्रका लागि यो नयाँ विषय भएकाले कुराहरु उठान भएका छन् । हामीले खोजेका चिज सबै नभएपनि एउटा गन्तव्य उन्मुख छ । त्यसैले हामी सन्तुष्टि नै छौं ।

महासंघले २०३० सम्म सहकारीहरु पूर्ण रुपमा डीजिटाइज हुनेछन् भनेको छ । सहकारी प्रविधिमैत्री बन्ने कत्तिको सम्भावना देख्नुहुन्छ ?

यो व्यवस्थापनमा कठिनाइ छ । किनभने पोलिसी लेबलमा केहि कुराहरुले हामीलाई बाधेको छ । पोलिसी स्पष्ट छैन् । त्यो बाहेक कुनै सहकारी धेरै माथि पुगेका पनि छन् । यसका बारेमा कुराहरुपनि उठेका छन् । यस मध्येको किसान साकोसले धेरै चिजहरुमा काम गरिसकेको छ । आफ्नो वित्तिय स्थिती सुरक्षित गनुपर्ने लगायत डिजिटलाइजेसनका कुरामा पनि यो कार्यक्रम आयोजना गनुभन्दा पहिले देखिनै यसका बारेमा हामीले केहि अभ्यासहरु पनि गरिसकेको छौं । त्यसैले आगामी भिजन ३० सम्म हामीले पुर्ण रुपमा गर्न सक्छौं ।

किसान साकोसले अहिले के कस्ता प्रविधिहरु प्रयोग गरेको छ । सदस्यले यसको फाइदा कसरी लिएका छन् ?

किसान साकोसले कनेक्ट आइपिएस देखि विभिन्न प्रविधिको पहुँच बढाएको छ । सदस्यको लेबलमा हेर्ने हो भने केहि सदस्य मोवाइल बैंकिङपनि चलाउन नसक्ने अवस्थामा छन् । उनीहरुलाई लक्षित गरी वित्तिय साक्षरता र प्रविधि साक्षरता सम्बन्धि २५ वटा वडामा कार्यक्रम गरेका छौं । अहिले सदस्यलाई प्रविधि मैत्री बनाएनौ भने २०३० सम्म हामी ( सहकारी) बाच्न सक्दैनौ । त्यसैले त्यही अनुसार हामी अगाडी बढेका छौ ।

महासंघले यस्ता विषयमा कार्यक्रमहरु गरिरहन्छ । यसमा केहि सहजिकरण अर्थात फरक ढंगले गर्न सक्ने सुझाव के छन् ?

यो कार्यक्रम सहरकेन्द्रित भन्दापनि सबै प्रदेशहरुमा लिएर गए अझ प्रभावकारी हुन्छ कि जस्तो लाग्छ ।

किसान साकोसमा कति सदस्य आवद्ध छन् ? समग्र सहकारीको अवस्था कस्तो छ ?

हाम्रो सहकारीमा ८४ हजार सदस्य आवद्ध छन् । २६ वटा सेवा केन्द्रबाट सेवा गरिरहेका छौं । कोभिड देखिनै सदस्यलाई सुसुचित गराइरहेका छौं । ऋणको पाटोबाट हेर्दा अहिले अवस्था फरक छ । अर्थतन्त्र नै चलाएमान नभएको बेला सहकारीमा समस्या आउनु नयाँ भएन। यो विस्तारै सुधार हुदै जान्छ ।

सहकारी चलायमान बनाउन सस्थाको मन जित्न संस्थाहरुले खेल्नुपर्ने भुमिकाके के हुन् ?

सहकारी संस्था मेरो हो भन्ने बनाउन सकियो भने हुन्छ । कुनै समस्या नै छैन ।

किसान साकोसमा ८४ हजार सदस्य आवद्ध हुदाँ प्रविधि प्रयोग गर्न सक्ने सदस्य कति छन् ?

२५ हजार मोबाइल बैंकिङबाट कारोबार भएका छन् । त्यसैगरी एटियम कार्ड ३ हजार जति बाडेका छौं । पहिला भन्दा अहिले एकदमै डिजिटल कारोबार भएको छ ।