उद्योगपति अरुण चौधरी पक्राउ

काठमाडौं । उद्योगपति अरुण चौधरी पक्राउ परेका छन् । बाँसबारी छालाजुता जग्गा कारखानाको हिनामिना प्रकरणमा उनलाई बिहीबार पक्राउ गरिएको हो ।

नेपाल प्रहरीको केन्द्रीय अनुसन्धान ब्युरो (सीआईबी)का प्रवक्ता नवराज अधिकारीले चौधरी पक्राउ परेको स्वीकार गरे । उनले चौधरीलाई आज बिहान लैनचौरबाट पक्राउ गरिएको र थप कुरा विज्ञप्तिमार्फत जानकारी दिने बताए ।