ललितपुर उद्योग वाणिज्य संघमा विश्वराज बज्राचार्य प्यानलको उम्मेदवारी घोषणा

काठमाडाैं । ललितपुर उद्योग वाणिज्य संघमा विश्वराज बज्राचार्य प्यानलले उम्मेद्वारी घोषणा भएको छ । सोमबार ललितपुरमा आयोजित एक कार्यक्रममा प्यानलको उमेदवारी घोषणा गरिएको हो ।

बज्राचार्य प्यानलको वरिष्ठ उपाध्यक्षमा विरेन्द्रलाल श्रेष्ठ, ३ जना उपाध्यक्षमा मुकुन्द महर्जन,आपुलाल अवाले र राकेश भक्त गुल्मी रहेका छन्। त्यस्तै महासचिवमा भूमिनन्दन कर्माचार्य र कोषाध्यक्षमा मिलन शाक्य उम्मेदवार छन्। हाल वर्तमान वरिष्ठ उपाध्यक्ष समेत रहेका बज्राचार्यले संघको आउँदो चुनावमार्फत अध्यक्षमा आफ्नो सिंगो प्यानलको जित निश्चित रहेको दाबी गरेका छन् ।

संघको साधारणसभा आगामी असोज १९ गते हुने छ। संघको अध्यक्ष पदमा हाल तीन जनाले आकांक्षा देखाएका छन् ।