काठमाडौं । साताको अन्तिम कारोबार दिन बिहीबार सेयर बजार सामान्य अंकले उकालो लागेको छ। आज बजार ५.१३ अंकले बढेर परिसूचक २०६६.०५ को विन्दुमा उक्लिएको हो।
आज कारोबार भएका २६९ कम्पनीको ५५ लाख ३ हजार कित्ता सेयर किनबेच हुदाँ दुई अर्ब १५ करोड ६५ लाख ८३ हजार रुपैंया भन्दा बढीको कारोबार भएको छ । कारोबारमा सबैभन्दा बढी सोल्टी होटलको १६ करोड ९५ लाख ८२ हजार रुपैंया भन्दा बढीको कारोबार भएको छ ।
आज बजार सामान्य बढ्दा होटल समूहमा १४८.९१, जलविद्युत समूहमा ६.९६, उत्पादन तथा प्रशोधन समूहमा ३३.४१, निर्जीबन बीमा समूह १३५.२१, अन्य समूह ७.५४, टेड्रिङ समूह ३१.८३ अंकले बढेको छ । साथै, बैंकिङ समूह ०.२३, विकास बैंक ११.१२, वित्त समूह ७.०५, जीबन बीमा समूहको ९.६९, माइक्रोफइनान्स ५.७९ अंकको गिरावट आएको छ।
कारोबारमा आज अभियान लघुवित्त वित्तिय संस्थाको सेयरमुल्य उच्च अंकले वृद्धि भएको छ भने हिमालय लघुवित्त वित्तिय संस्थाका लगानीकर्ताले सर्बाधिक गुमाएका छन् ।
Comment