काठमाडौं । सोमबार नेप्से परिसूचक दोहोरो अंकले घटेको छ । आज नेप्से २७.१६ अंकले घटेर एक हजार ८ सय ७१ दशमलब २३ विन्दुमा पुगेर बन्द भएको हो । आज सेन्सेटिभ इण्डेक्स ५.३६ अंक घटेको छ भने फ्लोट इण्डेक्स २.०६ अंक घटेको छ । साथै, सेन्सेटिभ फ्लोट इण्डेक्स २.२९ अंक घटेको छ।
त्यस्तै, आज शेयर बजार घटेपनि कारोबार रकममा भने सामान्य सुधार आएको छ । आज नेप्सेमा ९७ करोड १७ लाख ६७ हजार रुपैयाँ बराबरको कारोबार भएको छ । आइतबार ८३ करोड ६८ लाख ७३ हजार रुपैंया बराबरको कारोबार भएको थियो।
आज कारोबार भएका २३३ कम्पनीमध्ये १९ वटा कम्पनीको शेयरमूल्य बढेको छ भने १६४ वटा कम्पनीको शेयरमूल्य घटेको छ। साथै, २ कम्पनीको शेयरमुल्य स्थिर रहेको छ ।
यसमध्ये पनि आज एक कम्पनीको शेयरमुल्य सकारात्मक सर्किट लेबलमा कारोबार भएको छ । जसमा अभियान लघुवित्त वित्तिय संस्थाको शेयरमुल्य ९.९९ प्रतिशतले बढेर प्रतिकित्ता ५०१.९० रुपैयाँ पुगेको छ ।
नेप्सेका अनुसार आज गरिमा डेभेन्चर २०८५ का लगानीकर्ताले सर्वाधिक गुमाएका छन् । यसको शेयरमूल्य ८.१३ प्रतिशतले घटेको छ।
त्यस्तै, कारोबारको आधारमा आज सबैभन्दा बढी हिमालयन एभरेष्ट इन्स्योरेन्स लिमिटेड प्रोमोटर शेयरको भएको छ । यसको आज १६ करोड ५८ लाख ७७ हजार भन्दा बढीको कारोबार भएको छ ।
Comment