प्रभु र अजोड इन्स्योरेन्सबीच मर्जर सम्झौता

काठमाडौं । प्रभु इन्स्योरेन्स र अजोड इन्स्योरेन्सबीच मर्जर सम्बन्धी प्रारम्भिक सम्झौता भएको छ। असार ३२ गते शनिबार यी दुई कम्पनीबीच मर्जर सम्बन्धी सम्झौता पत्रमा हस्ताक्षर भएको हो।

प्रारम्भिक सम्झौताअनुरूप प्रभु र अजोडबीच १००ः७० को अनुपातमा मर्जरमा जाने सहमती भएका छन्। हाल प्रभु इन्स्योन्सको चुक्ता पूँजी २ अर्ब २८ करोड रूपैयाँ र अजोडको १ अर्ब रुपैयाँ रहेको छ।

मर्जरपश्चात् कम्पनीको नाम प्रभु इन्स्योरेन्स नै हुनेछ भने अध्यक्षमा अजोडका अजाद श्रेष्ठ र प्रमुख कार्यकारी अधिकृतमा प्रभु इन्स्योरेन्सका सञ्चित बज्राचार्य हुनेछन्।