नयाँ अर्थमन्त्री प्रवेश भएकाे पहिलाे दिन नेप्सेको उकालो यात्रा

काठमाडाै । नयाँ अर्थमन्त्री प्रवेश भएकाे पहिलाे दिन आज (बिहीबार) शेयर बजारले उकालाे यात्रा तय गरेकाे छ । आज बजार झिनाे अंकले मात्र बढेकाे छ ।

नेपाल स्टक एक्सचेञ्जका अनुसार साेमबार शेयर कारोबार मापक नेप्से परिसूचक १.२९ अंकले बढेर एक हजार ५६२.४६ मा पुगेकाे छ । नेप्से ०.०८ प्रतिशतले बढेकाे हो । यस्तै सेन्सेटिभ परिसूचक ०.३३ अंकले बढेर ३१०.०८ मा पुगेको छ ।

कूल १९६ वटा कम्पनीकाे ४९ लाख ९४ हजार ३ सय ६७ कित्ता शेयर खरिदबिक्री हुँदा १ अर्ब ४२ करोड ५८ लाख ९० हजार ७ सय ३८ रुपैयाँको कारोबार भएकाे नेप्सेले जनाएकाे छ ।

स्टकका अनुसार कारोबार भएका कूल १२ उपसमूहमध्ये आज ५ वटा उपसमूहकाे शेयर बढेकाे छ भने बाँकी ७ वटा उपसमूहकाे शेयर घटेकाे छ ।

त्यसैगरी, बिहीबार काराेबार रकमकाे आधारमा नेपाल पुनर्बीमा कम्पनी लिमिटेडले अग्रता कायम गर्न सफल भएकाे छ । कम्पनीको ७ कराेड ४० लाख ८४ हजार २ सय २३ रूपैयाँ बराबरकाे शेयर काराेबार भएकाे हाे ।