सुनको भाउ ७०० रुपैयाँले घट्यो

काठमाडाै । बिहीबार सुनको भाउ ७०० रुपैयाँले घटेको छ। नेपाल सुनचाँदी व्यवसायी महासंघका अनुसार आज सुनको भाउ तोलामा ७०० रुपैयाँले घटेर छापावाला सुन प्रतितोला ९६ हजार ५०० रुपैयाँ र तेजाबी सुन ९६ हजार रुपैयाँ कायम भएको छ।

हिजो बुधबार पनि सुनको भाउ तोलामा १ हजार २०० रुपैयाँ घटेर छापावाला सुन प्रतितोला ९७ हजार २०० रुपैयाँ र तेजाबी सुन ९६ हजार ७०० रुपैयाँ कायम भएको थियो।

आज पनि चाँदीको भाउ २० रुपैयाँले घटेर १ हजार ३४५ रुपैयाँ कायम भएको छ। हिजो पनि ३० रुपैयाँ घटेर चाँदीको भाउ १ हजार ३६५ रुपैयाँ कायम भएको थियो।