आइएमईले ल्यायो घरमै बसेर जितौं एक लाख रुपैंयाँ योजना

काठमाडौं । आइएमई लिमिटेडले कोरोना भाइरस (कोभिड–१९) को प्रभावलाई मध्यनजर गर्दै घरबाहिर ननिस्की नै रेमिटेन्स गरिएको रकम सजिलै प्राप्त गर्न सकिन्छ भन्ने सन्देश प्रवाह गर्नका लागि ‘आइएमई घरमै–रू.१ लाख जितौं’ भन्ने उपहार कार्यक्रम योजना सार्वजनिक गरेको छ ।

सामान्य अवस्थामा नेपालभित्र गरिने रेमिटेन्स वा विदेशबाट आएको रेमिटेन्सलाई एजेन्टकहाँ गई रकम लिन सकिने भए तापनि हाल बाहिर निस्किँदा संक्रमणको जोखिम हुनसक्ने भएकाले आफ्नो मोबाइल फोनमा नै रकम प्राप्त गर्न सकिने गरी यो सेवाग्राहीमुखी योजना सार्वजनिक गरिएको हो ।

यस अन्तर्गत् यही जेठ ३१ गतेबाट सुरु गरिएको ‘आइएमई घरमै’ उपहार योजनाबाट आइएमई गरिएको रकम आइएमई पे मोबाइल वालेट एपमा प्राप्त गर्ने एक जना भाग्यशालीलाई रू १ लाख प्रदान गरिनेछ । त्यसै गरी हरेक हप्ता ५ जनालाई जनही रू.५ हजार प्रदान गरिनेछ । सेवाग्राहीमुखी यो योजना असारको अन्त्यसम्म मात्र लागु गरिएको छ ।

स्वदेश तथा विदेशबाट आइएमई गरिएको रकम आइएमई पेमा प्राप्त गर्दा हरेक कारोबारमा रू.५० बोनस स्वरूप प्राप्त गर्न सकिनेछ । विजेतालाई उपहार रकम आइएमईपे मोबाइल वालेटमा नै प्रदान गरी सामाजिक द७त्रगयतसरी कायम गर्न प्रोत्साहन गरिनेछ ।