ग्लोबल आइएमई बैंकको साधारण सभा पुस २७ गते हुने

काठमाडौं। ग्लोबल आइएमई बैंक लिमिटेडको वार्षिक साधारण सभा पुस २७ गते हुने भएको छ । कम्पनीको पुस १ गते बसेको संचालक समितिको बैठकले १२ औं वार्षिक साधारण सभा पुस २७ गते बिहान १० बजे नक्साल व्याङ्क्वेट, नक्साल, काठमाडौंमा गर्ने निर्णय गरेको हो ।
सभाले १७ प्रतिशत बोनस शेयर प्रस्ताव पारित गर्ने भएको छ । बैंकले अधिकृत पुँजी १० अर्बबाट वृद्धि गरी १६ अर्ब रुपैयाँ पुर्याउने प्रस्ताव पनि साधारण सभामा पेश गर्दै छ । यस्तै, अन्य कुनै बैंक तथा वित्तीय संस्थासँग मर्जर वा एक्विजिसनमा जानु परेमा यसको सम्पूर्ण अख्तियारी सञ्चालक समितिलाई दिने प्रस्ताव पनि पेश हुनेछ ।