राष्ट्र बैंकले मुद्दति निक्षेपमा लगानी गर्ने

काठमाडौं ।नेपाल राष्ट्र बैंकले १० अर्ब १५ करोड ८६ लाख रुपैयाँ मुद्दति निक्षेपमा लगानी गर्ने भएको छ । राष्ट्र बैंकले उक्त रकम पुस १ गतेदेखि २०७६ मंसिर ३० गतेसम्मका लागि ३६६ दिने मुद्दति निक्षेपमा त्रैमासिक रुपमा ब्याज भुक्तानी पाउने गरी बैंक तथा वित्तीय संस्थामा लगानी गर्न चाहेको हो ।

केन्द्रीय बैंकले “क” वर्गका वाणिज्य बैंकहरुमा ८ अर्ब १२ करोड ६९ लाख, “ख” वर्गका राष्ट्रिय स्तरका विकास बैंकहरुमा एक अर्ब ५२ करोड ३८ लाख रुपैयाँ र “ग” वर्गका राष्ट्रिय स्तरका वित्त कम्पनीहरुले ५० करोड ७९ लाख रुपैयाँ निक्षेप राख्नेछ ।

निक्षेप लगानी गर्न चाहने बैंक तथा वित्तीय संस्थाले प्रस्तावित ब्याजदर सहित मंसिर २३ गते आइतबार अपरान्ह ३ बजेसम्म शिलबन्दी दरभाउपत्र आवेदन दिन सक्नेछन् । ।
यसका लागि राष्ट्र बैंकले केही शर्तसमेत तोकेको छ । जसमा बैंक तथा वित्तीय संस्था सञ्चालनमा आएको कम्तिमा २ वर्ष पूरा भएको हुनुपर्ने, न्यूनतम पुँजीकोष कायम भएको, निष्कृय कर्जा कुल कर्जा सापटको ५% भन्दा कम भएको, खुद तरल सम्पती विदेशी निक्षेपको कम्तिमा २०% वा सो भन्दा बढी हुनपर्ने, शिघ्र सुधारात्मक कारबाहीमा परेको भए फुकुवा भएको कम्तिमा ६ महिना पूरा गरेको हुनुपर्ने लगायत राहेका छन् ।