आईफोन एट् प्लसको ब्याट्रिमा समस्या, छानविनको तयारी

काठमाडौं (एजेन्सी) विश्वकै सर्वाधिक महंगो ब्राण्डको रुपमा रहेको एप्पल कम्पनीले पछिल्लो पटक बजारमा ल्याएको आईफोन एट् प्लस मोवाइल फोन फाटेको दृष्यहरु सार्वजनिक भएको छ ।

आईफोन एट् प्लमा यो किसिमको समस्या एकै पटक जापान र ताइवानका प्रयोगकर्ताको मोवाइल सेटमा आएपछि एप्पल कम्पनीले छानविन गर्ने जनाएको छ ।

चार्जमा राखेको मोवाइल सेट विना विष्फोटन अघिल्लो भाग उप्किएको थियो । पाँच दिन अगाडी किनेको सेटको अघिल्लो भाग उप्किएपछि ति प्रयोगकर्ताले आफ्नो सामाजिक संजालवाट घटनालाई सार्वजनिक गरेका थिए ।

जापानका प्रयोगकर्ताको बक्स प्याक अवस्थामै मोवाइलको अघिल्लो भाग फाटेर आएको थियो । जुन घटनालाई उनले ट्विट् मार्फत् देखाएका थिए ।

मोवाइलका जानकारहरुका अनुसार आइफोनको ब्याट्रि पड्किएर यो घटना भएको देखिदैन । तर ब्याट्रि फुल्ने समस्या रहेको कारण अघिल्लो भाग उप्किएको जनाएको छ ।

सामसुङ कम्पनीले पनि गत बर्ष नोट सेभेनलाई अन्तराष्ट्रिय बजारमा ल्याएको लगत्तै ब्याट्रिमा ठुलो समस्याको सामना गर्नु परेको थियो ।