मनिषा कोइराला दुई बर्षका लागि एनआइसी एसियाको ब्राण्ड एम्बासडर

काठमाडौं  २८ असार । अभिनेत्री मनिषा कोइराला दुई बर्षका लागि एनआइसी एसियाको ब्राण्ड एम्बासडर नियुक्त भएकी छन् । बुधबार आयोजित कार्यक्रममा कोइराला र बैंकका प्रमुख कार्यकारी अधिकृत लक्ष्मण रिसालले सो सम्वन्धी सम्झौतापत्रमा हस्ताक्षर गरेका हुन ।

कार्यक्रममा प्रमुख कार्यकारी अधिकृत रिसालले प्रतिष्ठित व्यक्ति मनिषासँगको सहकार्यले बैंकको प्रवद्र्धनमा सहयोग पुग्ने आशा व्यक्त गरे । अभिनेत्री मनिषाले बैंकको प्रतिष्ठा, भिजनलाई देखेर आफूले ब्राण्ड एम्बासडरको प्रस्ताव स्वीकार गरेको बताइन । एनआईसी बैंक आफ्नो स्थापनको २०औं बर्ष प्रवेश गरेको छ । |