अण्डाको मूल्य घट्यो

नेपाल लेयर्स कुखुरापालक संघले सोमबारदेखि अण्डाको समर्थन मूल्य घटाउने निर्णय गरेको छ। ठूलो अण्डा ३० वटा प्रतिक्रेट रु. ३७५ र मिडियम अण्डा रु. ३३५ कायम गरिएको छ।

नेपालमा अण्डा उत्पादन बढेको र भारतबाट ठूलो मात्रामा आयात भइरहेको कारणले बजारमा आपूर्ति बढ्दा मूल्यमा गिरावट आएको हो।

अण्डाको मूल्य हाल केही महिनाअघिसम्म उच्च भएको थियो। मंसिरमा ठूलो अण्डा प्रतिक्रेट रु. ५६५ र मझौला रु. ५५०मा बेचिएको थियो। त्यसपछि क्रमिक रुपमा मूल्य घट्दै माघ ११ मा ठूलो अण्डा रु. ४९५ र माघ २२ मा रु. ४३५ पुगेको थियो ।

गत माघ ११ मा ठूलो अण्डाको एक क्रेट (३० वटा)को फार्म मूल्य ३० रुपैयाँले बढाएर ४९५ रुपैयाँ कायम गरिएको थियो। यस्तै मझौला अण्डाको मूल्य ४७५ रुपैयाँ तोकिएको थियो ।