८९ करोड हिनामिनाको आरोपमा पोखरा सहकारीका पदाधिकारी पक्राउ

पोखरा । पोखरा बचत तथा ऋण सहकारीमा जम्मा भएको ठुलो रकम हराएको पाइएको छ। सो रकम हिनामिना गरेको आरोपमा प्रहरीले सात जनालाई पक्राउ गरेको छ।

पक्राउ पर्नेमा सहकारीका अध्यक्ष सुरेन्द्र गोदार, सचिव दिलबहादुर केसी, कोषाध्यक्ष हिरामणि दाहाल, व्यवस्थापक भीष्मप्रसाद गुरुङ, सदस्य दोर्जे तामाङ र सुपरभाइज मार्केट प्रमुख बेदीप्रसाद सुवेदी छन्।

एक अध्ययन अनुसार सहकारीमा झन्डै ८९ करोड रुपैयाँको अनियमितता भएको छ। सहकारीका पदाधिकारी र कर्मचारीहरूले मिलेर यो रकम व्यक्तिगत काममा खर्च गरेको आरोप लागेको छ।

कास्की प्रहरीका सूचना अधिकारी हरिबहादुर बस्नेतले भने, “पक्राउ परेकामाथि अदालतबाट म्याद थप गरेर अनुसन्धान चलिरहेको छ।”