सुनको मूल्यमा गिरावट, कतिमा हुँदैछ कारोबार ?

काठमाडौं । आइतबार नेपाली बजारमा सुनको मूल्य घटेको छ । आज सुनको मूल्य ७ सय रुपैयाँले घटेको हो । नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख १५ हजार १ सय रुपैयाँमा कारोबार भईरहेको छ ।

गत शुक्रबार भने सुनको मूल्य प्रतितोला २ लाख १५ हजार ८ सय रुपैयाँमा कारोबार भएको थियो। जुन मूल्य हालसम्मकै उच्च हो।

यस्तै आज चाँदीको मूल्य भने बढेको छ । चाँदी आज ५ रुपैयाँले बढ्दै प्रतितोला २ हजार ५७० रुपैयाँमा कारोबार भईरहेको छ ।