यती एअरलाइन्सले भोलीदेखि भैरहवा–पोखरा उडान सुरु गर्दै

काठमाडौं । यती एअरलाइन्सले भोलिदेखि दैनिक रुपमा भैरहवा–पोखरा–भैरहवा उडान सुरु गर्ने भएको छ ।

भैरहवा–पोखराको उडान समय ११ः०५ बजे र पोखरा–भैरहवाको उडान समय ११ः४५ बजे रहेको छ । हाललाई एकतर्फी हवाई भाडा रु. २५ सय कायम गरिएको यती एअरलाइन्सले जनाएको छ ।

गौतमबुद्ध अन्तर्राष्ट्रिय विमानस्थलमा यात्रुहरुको संख्या वृद्धि गर्न टेवा पु¥याउने उद्देश्यले भैरहवा–पोखरा प्रत्यक्ष उडान सुरु गरेको यती एअरलाइन्सले जानकारी दिएको छ ।