पर्वत पैयु खोला हाईड्रोपावरले आईपीओ निष्कासन गर्ने, विशेष साधारण सभा आह्वान

काठमाडौं । पर्वत पैयु खोला हाईड्रोपावर लिमिटेडले आईपीओ निष्कासनको मुख्य अजेण्डासहित विशेष साधारण सभा बोलाएको छ। जेठ १० गते बसेको कम्पनीको सञ्चालक समितिको बैठकले विेशष साधारण सभा डाकेको हो।

उक्त सभा आगामी असार गते काठमाण्डौको टोखामा रहेको कम्पनीको कार्यालयमा बिहान १० देखि ३ बजेसम्म आयोजना हुनेछ। उक्त सभामा आम सर्वसाधारणलाई आईपीओ जारी गर्ने, कम्पनीको प्रबन्धपत्र तथा नियमावलीमा कुनै संशोधन गर्नुपरेमा वा प्रस्तावित संशोधनमा नियमनकारी निकायाबाट कुनै फेरबदल वा सुझाव आएमा आवश्यक संशोधन समायोजन गर्न सम्पूर्ण अख्तियारी सञ्चालन समितिलाई दिने विशेष प्रस्ताव पारित गरिनेछ।

यस्तै सञ्चालक समितिको तर्फबाट अध्यक्षद्वारा प्रस्तुत गरिने प्रस्ताव पारित गरिनुका साथै कम्पनीको आयोजना,संरचना, बिक्री वा हस्तान्तरणका लागि आवश्यक प्रक्रिया पुरा गर्न गर्नुपर्ने सम्पूर्ण कार्यका लागि सञ्चालक समितिलाई अख्तियारी प्रदान गर्ने प्रस्ताव पारित गरिनेछ ।