हिमालय एअरलाईन्स्को याङगुन सेवा शुरु

काठमाडौं, १३ फागुन । हिमालय एअरलाईन्स्ले याङगुन, म्यानमारमा सिधा हवाई सेवा शुरु गरेको छ । एअरलाइन्सको चौथो गन्तव्य याङगुन, म्यानमारमा शुक्रबारबार बाट सुचारु गरेको हो । हप्ताको दुई दिन सोमबार र शुक्रबार सेवा सन्चालन हुने एअरलाइन्सले जनाएको छ । म्यानमारको प्रथम उडानमा म्यानमारका राजदूतावासका राजदूत ल्वीनआँ, सँस्कृति, पर्यटन तथा नागरिक उड्डयन मन्त्रालयका सहसचिव सुरेश आचार्य र हिमालय एअरलाईन्स्का प्रशासन उपाध्यक्ष विजय श्रेष्ठ पनि यात्रुहरुसँगै सहभागी भएका थिए ।