४ जना डिआईजीलाई एआईजीमा बढुवा गर्न सिफारिस

काठमाडौं । नेपाल प्रहरीका ४ जना प्रहरी नायव महानिरीक्षक (डिआईजी) हरु अतिरिक्त महानिरीक्षक (एआइजी)मा बढुवाको लागि सिफारिस भएका छन् । गृह मन्त्रालयको बढुवा समितिको सचिवालयले ४ जना डिआईजीहरुलाई एआईजीमा बढुवाको लागि सिफारिस गरेको हो ।

बढुवा समितिका सदस्य सचिव तथा प्रहरी महानिरीक्षक बसन्त बहादुर कुँवरका अनुसार बढुवा सिफारिस हुनेहरुमा सन्दिप भण्डारी, सुदिप गिरी, मिरा चौधरी र टेक बहादुर तामाङ रहेका छन् । अब मन्त्रिपरिषद्ले निर्णय गरेपछि उनीहरुले एआईजिको रुपमा पद बहाली गर्ने छन् ।