सुनको मूल्य फेरि बढ्यो

काठमाडौं । सुनको मूल्य पुनः उकालो लागेको छ । एकै दिन तोलामा ६ सय बढीले घटेको सुनको मूल्य आज फेरि बढेको हो । नेपाली बजारमा आज सुनको मूल्यमा तोलामा दुई हजार ४ सयले बढेको छ ।

नेपाल सुनचाँदी व्यवसायी महासंघकाअनुसार आज छापावाल सुनको मूल्य प्रतितोला ९७ हजार ८ सय कायम गरिएको छ भने तेजावी सुनको मूल्य ९७ हजार ३ सय निर्धारण गरिएको छ ।

त्यस्तै, चाँदीको मूल्य पनि बढेको छ । चाँदी आज तोलामा ८५ रुपैयाँ बढेर तोलाको १२ सय ९५ रुपैयाँ पुगेको महासंघले जानकारी दिएकाे छ ।