दराजले ल्यायो नेपालमा पहिलोे पटक “ब्राण्ड डे”

काठमाडौ । नेपालको बृहत्तर अनलाइन् सपिङ्ग गन्तव्य, दराजले पहिलो पटक ब्राण्ड डे उत्सव ल्याएको छ जसमा एक दिनमा एक प्रख्यात ब्राण्डले ग्राहकहरुलाई आकर्षक एवंम विशेष छुट दिने छ । यो उत्सवले अनलाइन सपिङ्गको अनुभूतिलाई अझ व्यापक र उत्साहित बनाउने छ ।
यो ब्राण्ड डे हरेक महिनाको १ र १५ गते आयोजना गरिनेछ र पहिलो पटक यो किनमेल दिवस फेब्रुअरी १, २०१९ बाट आरम्भ हुनेछ । २४ घण्टाको सीमित अवधिभित्र उपभोक्ताहरुले नाम चलेका प्रसिद्ध ब्राण्डहरु जस्तैः क्लोभिया, क्यालिबर, मन्त्र, गोल्डस्टार, अमेरिकन टुरिस्टर, टाइटन, बाल्त्रा, शायोमि, मेबेल्लाइन, कन्भर्स, रँगोली, सोनी, लॉरियल पेरिस र अरु पनि धेरै ब्राण्डहरु आकर्षक बार्गेन डिलमा उपलब्ध हुनेछ ।

“एक प्रमुख अनलाइन सपिङ्ग केन्द्र हुनाले दराजले नेपालमा पहिलो पटक ब्राण्ड डे उत्सव प्रारम्भ गर्दैछ जसमा एक ब्राण्डले एक दिनमा विशेष महत्व पाउनेछ । उपभोक्ताहरुले पनि सो दिनमा अद्भुत किनमेलको अनुभव संगाल्न सक्नु हुनेछ । अझ, सो दिन आकर्षक डिलहरु, मनोरन्जनात्मक खेलहरु र संग्रहणीय भाउचरहरुद्वारा ग्राहकहरुलाई उत्साहित तथा संलग्न गराइनेछ ।

हामी प्रमुख नेपाली साथै अन्तर्राष्ट्रिय ब्राण्डहरुलाई ग्राहकहरुसम्म पु¥याउन प्रतिबद्ध छौ,” ब्राण्ड डेको बारेमा खुलासा गर्दै दराजका सह प्रबन्ध निर्देशक लीनो एह्लेरिङले भन्नु भयो ।