लगानीकर्ताहरुद्वारा नेप्से घेराउ

काठमाडौं। शेयरको अनलाइन कारोबार व्यवस्थित नहुँदा १५ लाख लगानीकर्ताको १४ खर्बभन्दा बढीको सम्पत्ति जोखिममा परेको भन्दै शेयर बजारका लगानीकर्ताहरुले अाज  बिहानदेखि नेप्से कार्यालय घेराउ गरेका छन् ।

शेयर बजारका लगानीकर्ताहरुको चार वटै संगठन नेपाल इन्भेष्टर्स फोरम, शेयर लगानीकर्ता संघ, नेपाल पुँजीबजार लगानीकर्ता संघ र नेपाल पुँजीबजार संघको आह्वानमा लगानीकर्ताहरुले नेप्से कार्यालय घराउ गरेका हुन्।

नेप्सेले ल्याएको अनलाइन कारोबार प्रणालीमा चरम लापरवाही तथा कमजोरी देखिएको भन्दै दबाब दिन कार्यक्रम आयोजना गरिएको लगानीकर्ताहरुले बताएका छन् । अनलाइन प्रणालीमा आइतबार पनि समस्या देखिएको थियो ।