७,५००mAh ब्याट्रीसहित HONOR X7e नेपालमा सार्वजनिक, खरिदमा एक्टिभ इयरबड्स निःशुल्क

काठमाडौं । HONOR ले नयाँ स्मार्टफोन HONOR X7e नेपाली बजारमा सार्वजनिक गरेको छ। कम्पनीले लामो ब्याट्री ब्याकअप, उच्च रिफ्रेस रेट डिस्प्ले तथा पर्याप्त स्टोरेजलाई फोनका मुख्य विशेषताका रूपमा प्रस्तुत गरेको छ।

HONOR X7e मा ६.६१ इन्चको १२०Hz डिस्प्ले दिइएको छ। यसले स्क्रोलिङ, गेमिङ, सामाजिक सञ्जाल तथा भिडियो हेर्दा स्मूथ अनुभव प्रदान गर्ने कम्पनीको दाबी छ।

फोनमा ७,५००mAh क्षमताको ठूलो ब्याट्री राखिएको छ। साथै, ४५W फास्ट चार्जिङ सपोर्टले कम समयमा फोन चार्ज गर्न सहयोग गर्ने कम्पनीले जनाएको छ।

फोटोग्राफीका लागि फोनमा ५०MP AI Ultra-Clear मुख्य क्यामेरा उपलब्ध छ। यसले दैनिक प्रयोगका तस्बिर तथा विभिन्न प्रकाश अवस्थाका दृश्यलाई स्पष्ट रूपमा कैद गर्न सहयोग गर्ने बताइएको छ।

HONOR X7e मा ६GB RAM र २५६GB स्टोरेज रहेको छ। दुई कलर विकल्पमा सार्वजनिक गरिएको फोन Sunrise Orange र Midnight Black मा उपलब्ध हुनेछ।

यसैबीच, कम्पनीले फोनको लन्चसँगै सीमित अवधिको अफरसमेत ल्याएको छ। अफरअन्तर्गत सेप्टेम्बर १५, २०२६ सम्म HONOR X7e खरिद गर्ने ग्राहकले HONOR X7e Active Earbuds निःशुल्क प्राप्त गर्नेछन्।