सिद्धार्थ बैंकको ‘मेरो चित्र डेबिट कार्ड’ सेवा : अब ग्राहकले आफैं कार्ड डिजाइन गर्न सक्ने ( जानकारी सहित)

काठमाडाै । सिद्धार्थ बैंक लिमिटेडले ग्राहकलाई आफ्नै रुचिअनुसार डेबिट कार्ड डिजाइन गर्न सकिने ‘मेरो चित्र डेबिट कार्ड’ सेवा सार्वजनिक गरेको छ। यो सेवा डिजिटल प्लेटफर्ममार्फत उपलब्ध गराइएको छ, जसले ग्राहकलाई घरमै बसेर कार्डको स्वरूप स्वयं डिजाइन गर्ने सुविधा दिन्छ।

सेवाबाट के–के गर्न सकिन्छ?

व्यक्तिगत VISA कार्ड डिजाइन
ग्राहकले आफ्नो मनपर्ने तस्वीर, कला, पृष्ठभूमि वा अन्य दृश्य सामग्री प्रयोग गरेर कार्डको डिजाइन बनाउन सक्छन्।

ग्यालरीबाट फोटो अपलोड
परिवार, साथी, पाल्तु जनावर, आफ्नो पोर्ट्रेट वा कुनै पनि व्यक्तिगत छवि कार्डमा राख्न सकिन्छ।

स्व–सेवा (Self-Service) प्रक्रिया

कार्ड डिजाइनको सम्पूर्ण प्रक्रिया प्रयोगकर्ताले नै अनलाइनबाट पूरा गर्न सक्छन्।

भविष्यमा थप फिचर उपलब्ध

बैंकले सेवामा चरणबद्ध रूपमा नयाँ विकल्प र डिजाइन उपकरण थपिने जनाइएको छ।

सेवा कसरी सुरु गर्ने?

सेवा प्रयोग गर्न बैंकको वेबपोर्टलमा गएर—

Design Your Card बटन क्लिक गर्ने,

आवश्यक Image Upload Guidelines तथा Terms & Conditions पढी सहमति जनाउने,

र आफ्नै शैलीमा कार्ड डिजाइन सुरु गर्न सकिन्छ।

ग्राहक सहायता

सेवा प्रयोग गर्दा जिज्ञासा वा समस्या आएमा वेबसाइटको Get in Touch सेक्शनमार्फत बैंकसँग सिधै सम्पर्क गर्न सकिन्छ।

थप जानकारीका लागि- https://merochitra.siddharthabank.com/