बङ्गलादेशी विश्वविद्यालयको सुधारका लागि १० करोड अमेरिकी डलर स्वीकृत

एसियाली विकास बैंक (एडिबी) ले बङ्गलादेशका तीन विश्वविद्यालयमा कम्प्युटर विज्ञान, सफ्टवेयर इञ्जिनीयरिङ र सूचना प्रविधि (आइटी) कार्यक्रमको सुधारका लागि १० करोड अमेरिकी डलर ऋण स्वीकृत गरेको छ । एडीबीका सामाजिक क्षेत्रका अर्थशास्त्री रयोतारो हयाशीलाई उद्धृत गर्दै शुक्रबार जारी विज्ञप्तिमा भनिएको छ, “चौथो औद्योगिक क्रान्तिको प्रविधि अवलम्बनलाई गति दिन र डिजिटल बङ्गलादेशको परिकल्पनालाई साकार पार्न उच्च शिक्षामा सफ्टवेयर इन्जिनियरिङ कार्यक्रमलाई माथि उकास्नु समयको माग हो ।” “यो परियोजनाले बङ्गलादेशको आईटी उद्योगलाई अगाडि बढाउन मद्दत गर्न सक्ने अधिक सक्षम र प्रबिधि–प्रेमी स्नातक र उद्यमीहरू उत्पादन गर्न मद्दत गर्नेछ ।

परियोजनाले बङ्गलादेशको अग्रणी सरकारी विश्वविद्यालयहरू, बङ्गलादेश युनिभर्सिटी अफ इन्जिनियरिङ एण्ड टेक्नोलोजी, ढाका विश्वविद्यालय र जशोर युनिभर्सिटी अफ साइन्स एण्ड टेक्नोलोजीको कम्प्युटर साइन्स एण्ड इन्जिनियरिङ, सफ्टवेयर इञ्जिनियरिङ र सूचना प्रबिधि कार्यक्रमको उन्नयन गर्नेछ । यी कार्यक्रमहरूले मिश्रित शिक्षण प्रविधिहरू अपनाउनेछन् र कृतिम बौद्धिकता, यान्त्रिकता र इन्टरनेटबाट जोडिएका सबै ज्ञानजस्ता नवीनतम प्रविधिहरू एकीकृत गर्नेछन् ।

यी कार्यक्रमले विद्यार्थीले अन्तर्राष्ट्रिय मापदण्डहरूको पालना गर्ने अद्यावधिक पाठ्यक्रमहरू प्राप्त गर्न सुनिश्चित गर्न अन्तर्राष्ट्रिय मान्यता प्राप्त गर्नेछन् । एडिबीले तीनै विश्वविद्यालयमा आधुनिक कक्षाकोठा र प्रयोगशाला स्थापना, सहकार्य र स्टार्ट–अप स्पेस र सहायक सुविधाको स्थापनामा सहयोग गर्ने जनाएको छ । यी सुविधाहरूमा जलवायु र प्रकोप प्रतिरोधी नमूनाहरू, ऊर्जा र पानी बचत सुविधाहरू समावेश हुनेछन् र महिला–मैत्री सुविधा र सेवाहरू समावेश हुनेछन् ।